<hr style="COLOR: #e1d29e" SIZE=1> جــــأء وقت الطلعة للمخيم..الرجال اتفقوا يتجمعون عند
محطة البنزين اللي على طريق المخيم لما يكتملون ويمشون سوا
(راح ابين لكم ترتيب السيارات ومن فيها)
ابو ريما>ام ريما+ريما+الشغالات
ابو نواف>ام نواف+الشغالات
نواف>محمد+العفش والحوسة حقت الرحلة
العم طلال>ام عبد الرحمن+عبد الرحمن+نوف+مها الصغيرونة
فيصل>امه نورة+الهنوف+عبد الله الصغير+الشغالة
تجمعــــــوا ونزلوا الرجال يعبون بنزين لان المشوار
طويل ريما راحت عند ابوها وطلبته يركبون معها نوف
وهنوف وافق وراح للعمة نورة وقالها وافقت ونزلت
معاه هنوف وراح ابو ريما وقال للعم طلال ووافق تركب
معاهم نوف تجمعوا البنات في سيارة ابو ريما
وناااسة
ريما ع النافذة اللي وراء ابوها ونوف بالوسط وهنوف وراء
ام ريما والشغلات بآخر شي كانت سيارتهم جمس.
ريما:بنات والله فرحانة نبي ننام بالبر
هنوف:اجل انا خايفة يمةاحس راح يصير لنا مثل افلام الرعب
نوف:ههههه مأثرهـ فيك mbc2
ريما:هههههههه اكيد 24 ساعة مقابلتها
هنوف:لا بجد وربي تراني خوافة<الاعتراف بالحق فضيلة
ريما:يبه فهودي ممكن تشغل لنا ذا الشريط
ابو ريما:تامرين يالغالية اعطيني اياه
ريما:اعطتة وكان شريط رابح صقر
والبنات جلسوا تصفيق وتصفير وام ريما وابو ريما يضحكون عليهم
في سيارة نواف
محمد:نواف طالع البنات اشكالهم في سياراة عمي فهد يرقصون
نواف:وش تقول احلف
محمد:لا مايرقصون بس منسجمين مع الاغنية اسمع كيف
عمي مطولها ع الآخر هههههههه
نواف:عمي هذا راح يخرب بنتة مدلعها دلع
محمد:اكيد بنتة الوحيدة
نواف:اقول ليش عبد الرحمن مايجي معانا
محمد:ياليت تكفى خلة يجي
نواف اتصل على عمة طلال وافق وقف سياراتة
وركب عبد الرحمن معاهم وراء وجلسوا سوالف طول الطريق
في سياراة ابو نواف
ابو نواف:اسمعي يام نواف الله بريما لازم تقربينها من نواف
ام نواف:بس ريما طبعها حيوي على طول تستحي
وولدك هذا مايعطي وجهه
ابو نواف:عاد سوي اللي عليك وانا منى عيني اشوف
ريما ونواف في بيت واحد
ام نواف:والله ريما بنت طيوبة ويابخت نواف اذا بياخذها
وصلوا المخيم ع الساعة 8 بالليل وكان فيه مخيـم
كبير للرجال مكيُف وقزاز وكنبات والقسم الثاني
جلسة عربية ع الارض وغرفتين وبيت شعــــــــر
ومثل كذا مخيم الحريم ومطبخ صغير وانتوا بكرامة حمامات
اولاً تعشوا وبعدين تقهوا وكلن في قسمة طبعاً من
التعب الكل نام ماعدا الشباب والبنات
ريما:بنات اسمعو بنسهر للفجر بنشوف شروق
الشمس ياااي منظر روعه
نوف:ياعمري والله الرومانسية ذابحتك
هنوف:اقووول حرام عليكم انا خايفةمافية الا احنا
تخيلوا بيطلعون لنا جن وش نسوي
ريما بدت تخاف بس مابينت لهم:اقول فكينا انتي
وسوالفك الفاضية
نوف رمت حصى(حجر) على ظهر ريما .<تحب المقالب
رييما صرخت :وووواااي يمة
جني وجلست تركض ماحست بنفسها الا ضربت نواف اللي
من سمعها قمز يبي يشو ف وش السالفة ريما ماعليها
جلال ولا طرحة بس جمدت في مكانها وطاحت ع الارض.
وجلست تصيح نواف رحمها وراح لاقى جلال في سيارتة
حق امة واعطاه اياها وهو منزل راسه بالارض.ويوم
تغطت قالها وش فيك ريما
ريما:لا بس اا وسكتت
نواف: وش السالفة تكلمي؟وراك تصارخين؟
تجي نوف وشافت نواف وريما على الارض جالسة
نوف:هلا نواف
نواف:وش السالفة نوف؟
نوف: مفية شي يستاهل..بس احنا جالسات لحالنا
وهنوف تتكلم عن الجن وريما كانت خايفة موت
وانا رميت حصى (حجر)على ظهرها وقمزت وجلست
تصارخ تحسبة جني
نواف:هههههههههههههه
طلعتي ياريما خوافه
ريما:لا مو انا اللي اخاف من الجن.
نواف:طيب وش تفسرين تصرفك
ريما : سكتت
نواف حس انه احرج ريما: بنات ليش ماتنامون
نوف:هههههههه بنسهر اليوم الست ريما تبي تشوف
(وتضربها ريما)وسكتت
نواف:كملي وش بتشوف ريما
نوف:بتشوف شروق الشمس ريما تحب الاجواء الرومنسية
نواف:اهت (وش ذي بنت عمي نفس اللي احبه تحبة
يعني الشعر والميول الرياضية وحتى المنظر الي اتلذذ
وانا اطالعه شروق الشمس تحبة)
نواف:ماشاء الله واضح انك ياريما رومانسية..
يالله اجل انا رايح للشباب مع السلامة
ريما جلست تهاوش نوف ..ونوف وهنوف ميتات من الضحك
آذن الفجر وكان عبد الرحمن اللي يذن صوتة حلووو
وصلوا البنات والعيال.
هنوف:بنات انتم مو جوعانين؟انا ميتة جوع
ريما:كلن على همة سرى وانا على همي سريت هههههه
نوف:والله انا بدء الجوع يدخلني هههههههه
ريما:طيب انا وكرماً مني انا ريما بنت فهد راح اسوي
لكم سندويتشات مع العصاير امي شرت امس عصاير
اوكي وش قلتوا؟
هنوف:سيري ياريوم ونحن من ورائك
دخلت ريما المطبخ هي والبنات وجلسوا يسولفون
ويضحكون ويزينون سندويتشات كثير
(جلسوا ساعتين بالمطبخ اللي يشوفهم يسوون ذبيحة)
وخلصوا بعدين ريما قالت:هنوف اتصلي على اخوك
خلي يسأل العيال اذا يبون حرام اكيد جوعانين
نوف:طنشيهم احنا نصلح وهم ياكلون
هنوف:صادقة نوف ..وش نبي فيهم احنا خير تعمل شراً تلقى
ريما: ياسخفكم حرام عليكم هم مايقدرون يسوون مثلنا
يالله عاد كلمي تكفين
اللحين انا جالسة اصلح لكم وانتم تسوون فيني كذا
هنوف:طيب لاتزعلين ياريوم ابي اكلم وامري الى الله
هنوف:الو فيصل
فيصل:بسم الله الرحمن الرحيم..وش تبين انتي حتى في البر لاحقتني
هنوف:ماقلت لك ياريما اسمعي وش يقول اخوي
فيصل:ليش وش دخل ريما بالموضوع
هنوف:لابس هي سوت سندويتشات مع عصيرات وطلبتني
اني اكلمك وتسال الشباب اذا هم يبون.
بس انا ونوف قلنا وش تبين فيهم هذولا ناس ماعندك
احد ههههههههه..مايقدروننا!
فيصل:لاتخربين البينة خليها تدلعناوبعدين لاتسألون
مرة ثانية اذا عندكم اي شيء ينوكل جيبوه اوكي باي
فيصل قال للشباب الموضوع
محمد:والله بنت عمي خطيرة
عبد الرحمن:آهـ بس ونوف وهنووف السخيفات يبي لهم
كف على وجيههم علشات بتأدبون هههههه
فيصل:يالله قوم خيلنا نكفخهم هههههههه
نواف ساكت ولا علق على الموضوع
(والله اني اعتبرها مثل اختي هذي ريما بنت طيوبة بس
شكلي ظلمتها يوم قلت انها مغرورة! ولازم اعاملها زين)
جابت هنوف السندويشات والعصيرات واعطتهم فيصل
الشباب يحمدون ربهم اللي فكروا البنات يعطونهم
محمد كان مبسوط ع الاخر لان ريما هي اللي مصلحتهم
البنات بعد مااكلوا وكانت الساعة 5 ونص الفجر طلعت
ريما برى عند صخــــرة وجلست عليها وتطالع فوق كان
الجو خيال والشمس بتطلع.نواف كذا طلع من الشباب
وجلس فوق سيارتة ويتأمل في السماء كان المنظر
روعة مع الجبال يااي
طلعت نوف وهنوف عند ريما وخربوا عليها الجو وجلسوا
يضحكون عليها ويتريقون وريما :اووووة منكم
هنوف:يالله ابي انام حرام عليكم دايخة موووووت
نوف:يالله ريما نبي ننام
ريما:ياسخيفات احنا طالعات نبي ننبسط مو ننام
هنوف:ياربي منك طالعي الساعة كم 6
نوف:اللحين تقوم امي وتهاوشني ماتحب السهر
ريما:اوووة طيب يالله ننام
ودخلوا ينامون
الشباب كلهم نايمين الا محمد كان يفكر انه بكرى خلاص
بيقول لريما كل شيء عن حبه لها مايقدر يصبر اكثر
من كذا..طفح الكيل وراح ينام وهو مبسوط انه بكرى
راح يصارح ريما بالموضوع.
صحوا الحريم الساعة 8 مع البزارين الصغار وصلحوا
قهوة مع تمر وفطور لهم وللرجال طبعاً ماكان احد
صاحي من الشباب والبنات لانهم توهم نايمين
ام ريما راحت بتقوم ريما بس الشغالات قالوا لهم
انهم ماناموا الا الساعة6 الصبح
جت الساعة 11 صحت ريما وراحت وكانت لابسة
بنطولون جينز في ورد اسفل البنطولون لونة ابيض
وبلوزة لونها أبيض هاذي اللي موديلها يجي تربط
على الرقبة ولابسة ربطة شعر ازرق و كاب بناتي
لونة ابيض
العمة نورة:ريما وش مصحيك ..هماكم نايمين 6
ريما وهي تبستم:لابس انا شبعت نوم
ام عبد الرحمن:ارجعي نامي وش شبعتي
ام نواف: يالله يمة كذا تتعبين
ام ريما:لا بنتي واعرفها اذا قامت مارترجع تنام
ريما وهي تبوس راس امها:شفتوا كيف امي فاهمتني
الحريم يضحكون الله لايحرمكم من بعض!!
افطرت ريما وبعدين جوا مها وعبدالله الصغار
مها:ليما معليث تلوحين معانا تلعبين انا طفثت من عبود
عبودي:اييييية يالله ليما نبي نلعب كولة انتوا البنات فليق
وانا فليق لحالي لاني ولد يالله قومي معانا
(اية ريما نبي نلعب كورة انتوا البنات فريق وانا فريق)
العمة نورة:اتركوها توها صاحية من النوم
وبعدين هي كبيرة ماتلعب معاكم
مها:يالبي انا ذعلانه منكم وانتي ياليما لاتكلميني ذعلانه منك
عبودي:وانا كمان
ريما:راحت وباستهم لا ياقلبي انتوا لاتزعلون انا ماحب
اشوفكم زعلانين يالله قوموا نلعب كورة<تحب الاطفال
لان ماعندها اخوان صغار
عبودي:يس ثكرا
مها:انا احبك ياليما ملة
عبودي انا بلوح البث ملابث الكورة
ريما:حتى انا بروح البس تعالي مهوية معاي
ريما كان عندها ملابس الهلال (ترينغ سبورت) وكان
الرقم وراء ظهرها" 9 "سامي الجابر" وراحت لبست
ريما مها شورت وبلوزة حفر ورفعت شعرها وربطته
بشريطة زرقــــاء وراحت تلعب معاهم كان فيه ملعب
مسوينه العيال قريب من مخيهم وراحت تلعب معاهم ..
العيال كانوا كلهم نايمين الا نواف وفيصل لانهم الكبار
وعيب يتركون الرجال لحالهم..
نواف طلع بيشرب ماء وشاف ريما تلعب مع الاطفال
وهو يقول بينة وبين نفسة مين ذي ياربي؟ مو هنوف !!
يمكن نوف ..لما التفت ريما وشاف الرقم9 قال:ايية بس هذي
ريما بنت عمي مافيه وحدة هلالية وتحب سامي غيرها
وجلس يطالعها وهو مبسوط (ماشاء الله عليها شكلها تحب
الاطفال ولا كان مالعبت معاهم واللحين الظهر وحر..ياحليلها
فنانة بالكورة..جسمها حلو وشعرها )
نواف كان لابس بلوزة صفراء ومكتوب عليها ماركة ديزل
بالاحمر وبنطولون جينز لونه رمادي ولابس نظارات لونها
فضي <<خطيير
ريما سجلت هدف وراحت باست مها الصغيرة
(مسكينة ماتدري ان نواف يطالعها)
وبعدين زعل عبودي الصغير وقال لازم اسجل هدف
ريما رحمته وخلتة يسجل هدف وجلس يسوي حركة
السهم حقت ياسر القحطاني
وريما تضحك عليها ، لفت انتباهها نواف جلس يصفق
بقوة لعبودي لاشعورياً (نواف يحب عبودي بالحيل)
ريما شافتة تفشلت وجلست تركض عند الحريم وجهها
لونه احمر من الفشيلةودخلت على البنات وكانوا نايمات
البوابة 
Home 
Home 
دردشة العشق 
Tue Aug 02, 2011 9:53 pm by Guest
